Missed the Last Episode?

You may have 100 problems, but the 99th precinct ain’t one of them! We stopped over at Brooklyn to talk to our favorite detectives, who were on the most important case of all-what’s the best way to live sustainably? Click to find out if they solved the case!

Read here: What if the Nine-Nine Went Green? — The Sustainable Squad Briefing

Offscript Period Series | Ep 13

Gaon mein kuch problems kabhi poster pe nahi likhi hoti. Woh chup-chap chalti rehti hain- parampara ke naam pe, aadat ke naam pe, aur “pehle se aisa hi hota aaya hai” ke logic pe.

Periods aur unka disposal bhi unhi problems mein se ek hai. Pads ka use shehron se gaon tak pahunch gaya hai, par disposal ka sawaal aaj bhi largely unanswered hai: Toilets kam hain, dustbins nahi hain, aur awareness toh aur bhi kam. 

Agar Phulera ke log is mudde par baat karein, toh shayad kuch aisa sunne ko mile. 

Sachiv Ji

“Honestly, pehle mujhe yeh sab unnecessary lagta tha. Mujhe lagta tha pads aa gaye matlab problem solve ho gayi. Phir samajh aaya ki problem toh yahi se shuru hoti hai.”

Vikas cuts in: “Meri biwi bhi pehle sochti thi ki pad ko kagaz mein lapet ke bahar fenk dena hi sahi tareeka hai. Koi ye nahi batata ki plastic wala pad mitti mein saalon tak rehta hain. Baad mein usne phone pe kahin padha ki yeh galat hai, aur hume bhi kachra kaise fek dena chahiye sikhaya.” 

“Gaon mein toilets toh har ghar mein nahi hain. Dustbin ka concept bhi popular nahi hai. Jaha tak mujhe pata hai, log pads ko ya toh zameen mein daba dete hain, ya phir nale aur talab mein phek dete hain. Ye environmental issue bhi hai aur health issue bhi. Ha magar plastic ki jagah agar biodegradable options aayein, toh disposal ka bojh kuch kam ho sakta hai. Kyuki yeh plastic jaise lambe samay tak nahi tikte. Par implementation kaise hoga… woh bada sawaal hai.”

Vikas

“Sachiv ji, bilkul sahi soche hain aap. Bas gaon walo ko iski jaankari toh deni hogi ki kya sahi aur kya galat.

Agar pad aise ho jo plastic na chhode aur aasani se dispose ho sake, toh fekne ka tension kuch kam ho jaata hai… Ye gaon ke liye zyada practical ho sakta hai, par yaha ke mahilayein iska kya sochengi vahi dekhna padega. Aap ek baar Rinki ji se puch ke dekh lijiye, aap to unke mitra hai na…”

(Sachiv Ji blushes but instantly realises Vikas is teasing him)

Prahlaad Cha joins the chat:

Prahlaad Cha 

“Hmm, Vikas se sehmat karte hai…apni Rinki beti in mamlo mein samajhdaar hai. Aap baat kar lijiye Sachiv Ji. Hamaare gaon mein aaj bhi mana jata hai ki in sab cheezon ke bare mein khul ke baat karna theek nahi hai. 

Ladkiyon ko alag bithana, mandir se door rakhna- yeh sab parampara ke naam pe hota hai. Par jab baat sehat aur safai ki aati hai, toh sirf parampara nibhane se kuch nahi hona hai. Aakhir mein, agar hamari gaon ki betiyaan inn kathinaiyon mein fas jaayengi, toh kaise aage badhengi? Achi Shiksha, naukri kaise haasil karengi?

Main yeh bhi jaanta hoon ki jo cheez chupchaap zameen aur paani ko ganda kar rahi hai, usse nazar ferna galat baat hai. Ye jo vikalp aap dono bol rahe ho… unhe samajhne ki zarurat hai.”

Brij Bhushan

“Arey ha bhai. Shehar ki har cheez seedha Phulera mein nahi laayi ja sakti. Dekhiye, shehar ke niyam yahan seedha apply nahi hote.

Par iska matlab yeh nahi ki hum aankh band kar lein. Agar plastic se mahilaon ko dikkat ho rahi hai aur kheto ki mitti mein plastic aa raha hai, toh soch toh aaj ya kal badalni hi padegi. 

Agar koi cheez accessible ho, aur paryavaran ko bhi surakshit rakhe, toh try karne me kya dikkat hai? Yeh toh election ka nara hona chahiye.” 

Vikas mocks Bhushan: “Arey waah, yeh dekho kaun akal ki baat kar raha hai? Bhaisaab tum toh rehne hi do. Bas votes ke liye bade bade lines mar rahe ho…Sab jante hai hum!”

Kranti Devi interrupts him: “Ae ladke, hamare pati se thik se baat karo bata rahe hai…warnaaa-”

(Manju Devi happens to pass by and hears Kranti Devi)

Manju Devi Dubey: 

“Kya karlogi tum ha? Hum kya hath pe hath dalkar baithe rahenge phir? Karo jo karna hai, dekhte hai tumko…Jab main sarpanch thi, tab mujhe samajh aaya ki ye mahilaon ki samasya jo hai, sirf niji nahi, gaon ki bhi samasya hai. 

Pads ka yaha-waha fekna sabse bada problem hai ji idhar. Dustbin nahi, toilet nahi, aur upar se logo ko sharam alag aa rahi hai. Isiliye agar hum vo naisargik pad istemaal karein toh kuch had tak yeh problem kam ho sakti hai. Yeh plastic ki tarah microplastics mein tootkar saalon tak jama nahi rehta.

Main toh kehti hoon is par jaagrukta badhao aur logon tak sahi jaankari pahunchao.”

Kranti Devi:

“Ab bolo, gaon mein aaj toilets nahi hain, jaankari nahi hain toh iska zimmedaar kaun hai? Wahi, jo saalon se kursi pe baithe rahe. Pads phekne ka sahi tarika chodo, yaha gaon mein periods ke bare mein baat karna hi mushkil hai. Auraton ko baju mein bitha dete hai. Unki samasya koi sunega hi nahi toh gaon asli mayane mein aage kaise badhega? Iska jawab purani sarkaar ko dena chahiye… 

System nahi hoga, toh log kya karenge? Yeh bhi sochna padega. Main sirf baat nahi kar rahi hoon. Main vaada kar rahi hoon ki system banaungi- toilets bhi, aur safai bhi. Jo log sirf bolte rahe, unse alag tarah ka kaam karke dikhaungi. 

Iss gaon ko ab asli badlav chahiye, bahane nahi.”

Manju Devi [smiling, calm]: “Tum toh chup hi raho. Agar gaon ko tum par itna bharosa hota jitna tum khud pe kar rahi ho, toh iss kursi par tum kabki baith jati. 

Jaagrukta ek din mein kabhi aayi hai? Gaon ko samajhne ke liye yahan rehna padta hai, sirf vaade karne se farq nahi padta. Aaj baat ho rahi hai, kal sach ban jayegi, usme itna nautanki karne ki zarurat nahi hai.”

Rinki Dubey:

“Ye dono fir shuru ho gaye. Yeh toh baat hai ki mummy jab meetings mein yeh baatein bolti hain, toh log sunte hi nahi hai. Apne purane soch pe ade rehte hai. Aur ab jab interview ki bari aayi, toh sabko badlav suj raha hai.

Inke bharose toh kuch nahi hoga. Isiliye maine social media pe iski baat shuru ki. Short videos, simple bhasha, aur bina koi sharam ke. Ye technique toh baat karne se kaafi acchi hai. 

Response bhi accha aa raha hai… log samajhne ki koshish kar rahe hain. Gaon mein har baat meeting se nahi badalti, kabhi-kabhi phone ki chhoti video bhi kaam kar jaati hai.”

Conclusion: 

Panchayat humein yeh dikhata hai ki rural India ki problems complex nahi hoti, bas neglected hoti hain. Period care aur disposal ka issue bhi aisa hi hai. Awareness ki kami, plastic pads ka misuse, aur sanitation infrastructure ki problems milkar environment aur health dono ko nuksaan pahunchati hain.

Aise mein safe, natural, aur biodegradable options gaon ke liye zyada practical ho sakte hain. Yeh skin par zyada gentle hote hain aur rash ya irritation ka risk kam karte hain, balki disposal ke stress ko bhi kam karte hain. Yeh plastic ki tarah microplastics mein tootkar environment mein jama nahi rehta. Jahan system weak hota hai, wahan cheez kya bani hai, woh zyada matter karti hai.

Asli vikas wahi hota hai jo zameen ki reality se juda ho aur har jagah, urban ya rural, apnaya ho. Aur jab baat gaon ki ho, toh solution bhi usi ki tarah hona chahiye, usi ke style mein. 

Jahan systems mazboot hote hain, wahan choice matter karti hai.

Jahan systems kamzor hote hain, wahan choice aur bhi zyada matter karti hai.

Coming Next Week

The setting changes. The conversations don’t.

From a gaon ki baithak to a society meeting, jahan rules bhi hain, registers bhi… aur ek secretary jo har cheez perfect chahata hai.

Apni favourite “team” bhi shayad saath hogi.

Aur shayad… yeh safar ka aakhri padaav ho.

Bas ek sawaal hai, aapko yaad hai unka naam?

About the Series: Offscript Period

Offscript Period is Saathi’s blog series exploring modern menstrual health through the lens of iconic shows. Each episode reimagines familiar characters discussing period care, sustainability, and evolving health standards, turning everyday entertainment into conversations about better materials, better systems, and better choices.

Disclaimer: This content is a work of parody and imaginative storytelling created for social awareness and education. All characters referenced are fictional and used purely for cultural commentary. This content is not affiliated with, endorsed by, or connected to the original creators, networks, or rights holders of TVF Panchayat.